貝安琪拍處女劇預咗辛苦
名模貝安琪及周汶錡前晚出席珠寶活動，兩人均性感上陣，其中戴上珠寶行騷的貝安琪穿上deep V長裙晒胸，她指因怕遺失珠寶，故出街甚少佩戴，她又透露10月會為無綫拍劇，她說︰「今次第一次拍劇，知道拍劇都辛苦，但自己鍾意演戲，所以唔怕。」
而剛由北京返港的周汶錡亦稍露事業線，她笑言有儲珠寶習慣，但未擁有很貴的珠寶，她說︰「自己好多珠寶唔會戴，當係投資因為會升值，不過自己投資唔叻依家學緊。」問是否收過很多男生送的珠寶？她則說︰「唔係，一個送就夠。（未婚夫特別節日會送小禮物？）係情趣，大家講心。」月底結婚的她表示將非常忙碌，她笑說︰「都係忙自己嘢，唔知忙到幾時，但唔會好耐。」
