張燊悅靚太唔易做 大爆Ball場料
已退出娛樂圈、專心相夫教子的張燊悅，似有意復出拍戲，除了想知現在身價外，還提供素材給導演，在社交圈浸淫了一段日子的她，笑言可與一眾靚太拍港版《靚太唔易做》。
歌手陳潔儀、林子祥（阿Lam）、張燊悅、馮詠儀、周譚蕙菁、榮雪梅、翁嘉穗、戴凱欣、李桂蘭與胞姐李麗娟、導演麥兆輝等前晚出席La Mer護膚品晚宴，其中擔任全職主婦的張燊悅，透露活動完畢後要趕回家煮飯及照顧兩個囡囡，指家中的兩個傭人都不在，她說：「一個離開咗香港，一個畀我炒咗。（點解炒？）我唔容許屋企有人控制唔到情緒，成日喺小朋友面前發脾氣，又粗魯，好驚小朋友學佢，畀咗三次機會佢都唔改，冇法，唯有請佢走。」又指最不滿對方在背後講她壞話，她說：「有咩唔鍾意就當面鬧，唔好喺背後鬧。」
開心多時間陪女兒
另一邊廂，她很開心有更多時間跟小朋友相處，大女更是懂事，她說：「佢見我咁辛苦，本來扭計唔瞓，都即刻話去瞓，好懂事。同埋我覺得外國啲媽咪真係好厲害，又要工作、做家務、湊小朋友，完全唔需要工人幫手。」問張燊悅會否考慮復出拍戲？她即緊張地說：「係咪有人搵我，有人搵話我知。」隨即周圍搵同場的導演麥兆輝，說：「我要問吓麥兆輝導演先，順便問吓自己依家個價去到邊。我可以提議加埋一班靚太一起拍套《靚太唔易做》。」
陳潔儀愛浪漫中秋
而陳潔儀與阿Lam擔任表演嘉賓，阿Lam一出場即引來全場女士歡呼，唱歌時特別走下台，更引起哄動，不少女士上前獻花、索吻及搶住合照，艷福不淺。而陳潔儀透露專程由新加坡來港，表示中國節日中最愛中秋節，她說：「同月亮有關都覺得好浪漫，中秋節月光特別大。（同男友浪漫一番？）男友唔鍾意玩燈籠，會同家姐嘅小朋友一齊玩燈籠。」此外，她透露近日忙於籌備演唱會DVD，她說：「最後嗰場演唱會前一晚我病咗，以為DVD出嚟效果會好難聽，但最後效果滿意，都有興趣搞演唱會Part 2。」
文：名人組