黃耀明秘婚 怕傳媒踢爆
趙式芝（Gigi）與楊如芯大方公開結婚後，獲身邊不少好友支持及送上祝福，唯獨父親趙世曾不願接受這事實，依然強調她們沒有結婚。
Gigi昨日在電話中被問到父親有否因她公開已婚而指摘她？她說：「我未見到爹哋，佢都冇打電話鬧我，我知呢兩日好多人打電話畀佢，覺得對佢好唔公平，被咁多人打擾，我尊重爹哋同媽咪，希望大家畀多啲空間佢哋。」
大讚夠勇敢
另外，黃耀明（明哥）昨日出席大學活動時，表示替Gigi公開結婚一事感到高興，他說︰「呢件係開心事，佢好勇敢，有公眾人物出嚟支持件事，會畀好多仲喺衣櫃、害怕嘅人有更多支持。」問到會否覺得自己亦起了帶動作用，明哥謙稱不敢當，但承認公開性取向是希望改變社會風氣︰「社會上仲係有好多偏見同反對聲音，因為佢哋唔明白，少見多怪。所以多啲人談論會減低佢哋對同性戀嘅恐懼。」
明哥稱有聽聞趙式芝父母不接受這事實：「希望佢哋遲啲會被感動到。」又指「出櫃」與結婚是兩回事，自己就未有打算結婚，即使真的有這個決定亦不會公開，不過就笑言就算不想公開都會被傳媒發現。
文：音樂組