關心妍開騷 老公（目及）住唔敢露
關心妍前晚以一身透視裝騷腿舉行音樂會，由於老公楊長智現身「監場」，因此她坦言不敢露事業線：「已做足預防措施，但係老公喺度，要着得莊重啲！」在台上，關心妍除了自摸大跳勁舞外，更向老公大講愛的宣言：「好多人話為咗一棵樹放棄一個森林，但係我覺得佢就係一切，其他都係陪襯品！」又晒命說：「我嫁得好好！」
她又謂正物色場地年底舉行大型演唱會，更希望請偶像關淑怡做嘉賓：「佢都有sms我報平安，知道佢冇事好放心！」提到有藝人被指「車震」，她說：「我初出道同老公偷偷摸摸拍拖，唔敢喺車內親熱，依家咩激情都冇咗！」
