吳鎮宇教達明氣功
張達明大病初愈，照樣撥出養病時間，為推廣關注精神病患訊息出力，達明的圈中好友吳鎮宇、黃秋生及高志森均極欣賞達明無私精神。吳鎮宇表示曾教達明氣功助養病，他說：「我探過達明兩次，佢情況OK，係膚色黑啲，我都介紹咗個醫生畀佢，我仲教咗佢兩招氣功，等佢做吓運動，佢依家進度幾好。」
黃秋生指達明抱病也為黃媽媽介紹醫生，他說：「佢不嬲都好積極、正面、樂觀，佢之前都幫我阿媽搵醫生，到我知道佢病嗰時，我已經返咗內地拍戲，冇時間探佢，佢大病初愈係會瘦啲，正常嘅。」
而高志森則已着手籌劃明年與達明的合作大計，他說：「佢去得講talk係好事，說明咗佢又出動，我月底返香港，已經約咗佢見面，同部署出年演出計劃。」