何偉圖扮黎明上位
樂壇新人何偉圖（Alan）早於五歲時跟天王天后陳慧琳（Kelly）和黎明（Leon）有合作淵源，算早已是半個圈中人，他感激兩位前輩帶他入行，令他對娛樂圈念念不忘，笑言：「佢哋要負責任呀！」五歲參加《歡樂今宵》模仿黎明大賽的Alan，結果獲Leon賞識帶他登台，更獲封「小黎明」。直到他九歲時，正式簽約Sony，後來十多歲時又有機會與Kelly和郭富城合作電影《仙樂飄飄處處聞》，並跟Kelly合唱一曲。
自小喜歡音樂的Alan，將於十月推出首張EP《Getting There》中曲詞一手包辦，問到可會找Kelly相助，他說：「好想呀，希望佢有時間幫我首歌做讀白，其實我哋一直都有聯絡，佢好好人，之前我搞咗個音樂會，佢仲專登錄咗條片鼓勵我，又送上花牌。（咁Leon有冇聯絡？）冇喇，怕且佢都唔認得我，不過細個時同Leon登台個記憶仲好深，諗起同佢合唱感覺好開心。」