龔嘉欣講錢傷感情 怒摑楊明
無綫小花龔嘉欣早前演「小三」入型入格，奸到出汁，奸角形象深入民心，但她在新劇卻返璞歸真演純情富家女，與楊明發展感情線，其中一幕講他們為錢吵大鑊，她狠狠摑了楊明一巴，嚇得對方呆滯兩秒！
龔嘉欣（Katy）於早前播出的劇集《拳王》中演「小三」，演得入木三分，不少煲劇煲到上晒腦的網友，更於她的微博惡意留言，直頭當正她是劇中角色！這批網友來自內地及香港，有些甚至爆粗，Katy對留言置若罔聞，不過有些鬧埋她的親朋她就不能接受。她在民初新劇《天梯》飾演乖乖富家女，一洗「小三」形象，與她合作無間的楊明跟她飾演夫妻，有一幕講述他們為錢吵大鑊，她在毫無預兆之下摑了對方一巴：「拍之前我有同楊明講我等陣會摑你o架，佢以為我講笑，點知到真係拍嗰陣，佢畀我摑完之後嚇到呆咗兩秒！」
煲糖水慰勞工作人員
她在劇中為了與楊明結婚，不理家人反對先斬後奏，但現實中她認為結婚大事定必要獲得家人同意：「我好尊重我爺爺，佢係一個傳統男性，我屋企家庭成員任何人結婚都要畀爺爺過目先！」月前她往橫店拍攝《金枝慾孽（貳）》，笑言自己的房間變了糖水部：「我平時好鍾意煲糖水，煲完之後會叫啲演員同工作人員過嚟拎。」另外亦有同事專責煲湯，全劇演員不愁無湯水！
文：專案組
服裝：Ted Baker
化妝：Sammy Lam@zeal image
髮型：Bowie Lo@Chin.G