陳安立 硬啜龍虱嗌好味
為拍攝旅遊特輯，nowTV主播陳安立、劉振宇、楊柳青及歌手陳姿言日前踩上番禺，玩轉長隆野生動物園及水上樂園，多「災」多「難」的四人，除硬吞「龍虱」外，更有人玩至「見血」，但仍大讚出Trip非常歎！
nowTV主播陳安立（Brian）、劉振宇（Water）、楊柳青（Wiyona）及歌手陳姿言（Paris）日前往番禺，為nowTV旅遊特輯《長隆渡假區特約：歡樂動起來！》進行三日兩夜的外景拍攝，四位娛圈新鮮人由鏡頭前玩到鏡頭後，實行「反」轉香江野生動物世界、青龍山．侏羅紀森林及長隆水上樂園！此行可謂又「驚」又「喜」，眾人首日甫抵達園內餐廳，百厭的Brian與Water即發現「美食」－「七味龍虱」，之後更發起猜輸的要硬啜「龍虱」，結果Brian慘成輸家，惟有硬着頭皮吞落肚，但卻大呼好味：「原來幾好食，重有陣椒鹽味！」
Wiyona驚青
翌日遊覽動物園時，各人均表現興奮，Brian更嚷着跟可愛的樹熊拍照，惟獨Wiyona全程表現憂心，她解釋：「冇諗過咁近距離又冇籠，我真係好驚動物，連狗仔都驚！」不過鏡頭前，Wiyona仍表現淡定，相當敬業！
至於不諳水性的Paris亦豁出去濕身下水，幸獲Brian及Water貼身護花，兩男於激流中抓緊尖叫不絕的兩女的水泡，期間Water更被Wiyona爪至背脊見血，水中「共患難」的四人狀甚搞笑！雖然拍攝過程多災多難，但事後四人均大讚此行Relax又開心！
文：影視組