Cammi扮女僕最有信心
o靚模謝芷蕙（Cammi）最近頻頻獲邀登台，主力唱慢歌的她直言想學跳舞加強台風，但她自嘲天分麻麻經常甩Beat，早前與同門師姐練舞，亦被笑亂跳一通：「我有啲手腳唔協調，又唔係好跟Beat，同佢哋跳嗰陣，我會自己改Steps。」但Cammi表示會努力學舞，想成為一位跳唱歌手，目標直指外國天后Rihanna及Lady GaGa：「佢哋台風好犀利，造型又爆，不過我未必夠膽，可能日本組合AKB48嘅感覺同我近啲，都係表現青春活力。」
早前Cammi到內地參加跳舞節目，因首次獨自面對群眾起舞，直言十分緊張，幸好以女僕裝上陣的她獲得不俗評價，為她打下強心針。