黃嘉樂咀小齊：好Sweet

早前黃嘉樂在台灣拍攝首部台灣電影《下午茶》，與小齊、范曉萱及導演陳駿霖合作，今次嘉樂作了多個「第一次」，包括首次以全國語上陣拍攝、第一次飾演同性戀角色，以及首次與男演員拍接吻戲！

嘉樂在戲中與小齊飾演一對，二人有不只一場的接吻戲，不過嘉樂坦言沒有尷尬，更大讚對方沒架子，相當友善。嘉樂表示拍該片時壓力並不大，開拍前亦參考多套同性戀電影，他謂：「初時導演都問我介唔介意演同性戀角色，其實喺台灣拍攝時，有一場戲有80幾個臨時演員，當中有八成都係真正同性戀者。」

幻想係女仔啜20次

問到與小齊拍咀戲的經過？嘉樂說：「正常好Sweet咁咀，我將佢幻想成一個女仔，冇尷尬，尷尬就演唔到落去，（有冇NG？）NG係因為側邊啲人喺度笑，不過導演同我講台灣嘅風氣開放。」嘉樂在片中不只與小齊拍一個接吻鏡頭，當中有一場咀戲為了遷就環境，就拍了20多個Take。

此外，問到嘉樂在台灣拍電影與香港有甚麼不同時，他笑言台灣飯盒好好食，選擇又多又精緻。而該片將於明年在台灣上映，問會否希望打入台灣巿場？嘉樂坦言：「希望！唔係為錢，係一個機會，我都好想試吓拍偶像劇。」

文：影視組