曹永廉有仔關心 甜到漏
很難想像曹永廉由大細路一名，到如今已是兩名子女的父親，難得太座姜依蘭與他一起湊大兩隻「化骨龍」，廉記可高枕無憂享受每個與子女窩心的時刻，囝囝簡單一句：「爹哋小心揸車！」便已令他非常開心！
自4歲半的大仔Brandon呱呱落地後，曹永廉和太太姜依蘭生命開始起了莫名其妙的變化，如今還添多一名15個月大的囡囡Erin，正為曹家湊夠一個好字。
蓋足十次被
談起教導兒子，廉記兩公婆自有一套教導方法，廉記說：「囝囝大咗開始講道理多咗，細個未識聽，所以要惡少少，大個少少就好傾咗，因為佢開始明白事理！」在旁的依蘭說：「因為個仔明白事理，所以唔使用好重語氣去嚇佢，唯一唔同係喺佢細個時會鬆散少少，會樣樣嘢畀佢去試，例如暖爐佢要掂，我會拎佢隻手指去掂，掂咗之後原來真係辣親，佢就知以後唔敢。依家大個如果佢曳，反而會惡啲，執行得比以前嚴厲！」
而每提起小朋友如何氹自己，廉記已笑到見牙唔見眼：「譬如我整損手腳，佢一見到就會走埋嚟問我有冇事，叫我要小心。細個時我哋行樓梯出門口，佢就會叫我小心跌親，又會叫我慢慢揸車，甜到漏！依家半夜我會幫佢蓋十次被，每次佢都會矇矇咁講唔該爹哋，佢可能唔知自己講過，但一聽到就開心。」
小心揀奶粉
談到飲食問題，廉記和依蘭強調要小心選擇，廉記說：「一心血來潮就會整特別菜式。」依蘭則說：「雖然囝囝都咁大個，但我哋都Keep住畀佢飲奶粉，因為有時食啲嘢未必吸收到最多，所以要靠奶粉補番。但一定會小心選擇，食錯可能有後遺症，咁就一世！」
文：專案組
攝：黃叔榮
場地：Ana Oyster&Grill