司徒法正探靈炸傷眼
玄學家司徒法正今年再率攝製隊到東南亞尋找靈異事件搬上大銀幕，揚言要拍出令觀眾震撼畫面，拍攝期間甚至不慎被爆炸物傷眼，他說：「隻眼好番好多，醫生話我冇大礙，今次齣戲我哋事先做足安全措施，安排醫務人員隨隊去外景，因為有危險，搵女主持都要個女仔簽生死狀，搵大膽嘅女仔唔難，最難係我哋冇劇本，因為我哋唔係做戲，好講究臨場應變，拍出嚟先好睇。」
司徒法正希望新片能帶給觀眾對死亡、靈魂的正確心態，並會另外製作版本引入內地。對於早前好友潘紹聰推出同類電影《魕》，他恭喜對方有新嘗試，大家各有各做，百花齊放。