吳雨霏為事業急凍戀情

吳雨霏（Kary）近日忙於為下月廣州演唱會排舞，問到男友洪立熙會否到場打氣？她避談說：「好多朋友都會去。」由於她早前表示與對方處於冷靜期，問到有否進展？Kary說：「依家唔諗住，因為嚟緊有兩個大騷，好緊張，做好個騷先算。（戀情急凍？）係o架。」

26歲的Kary坦言人愈大愈會想得多，而身邊人都開始為她「成家立室」着急，但她每做一件事都要非常專注，所以現時只想積極為紅館騷做好準備，無暇理會男友。問到為事業放棄愛情值得嗎？Kary說：「離紅館騷得番3個月左右，咁都捱唔過，段感情就好脆弱喇。」

雖然跟男友處於冷靜期，但吳雨霏為事業搏殺，無暇理會感情事。

吳雨霏透露是次歌衫少不免帶點性感。

擔任半個創意總監

入行10年的Kary首次在廣州開騷，門票亦賣得超好，她興奮說：「今次啲飛去得好快，開票4日已經賣晒4000張飛！我當係為下年紅館演唱會做熱身。」對於明年1月再戰紅館舞台，Kary坦言非常緊張：「今次會做埋半個創意總監，無論舞台、歌衫、流程都會參與。」由於歌衫少不免帶點性感，問到男友會否介意太性感？Kary甜笑說：「唔係話介意嘅，會提點吓囉！其實自己就唔覺得太性感，可能男仔角度保守啲啦！」

採訪：音樂組

場地：Fame Union Production Limited

化妝：Yan Chin@D-mop Beauty

髮型：Heibie Mok@ Hair Culture