張敬軒剝褲晒底開騷
張敬軒花五千萬在世界末日前達成心願開錄音室，自嘲未定性不急於成家立室，將為舞台劇衝出香港到台灣開騷，再次半裸晒底演出，誓要「剝出個未來」！
軒仔早前忙於舞台劇的演出，連新碟推出一段時間都未有機會宣傳，日前軒仔終於為新碟現身訪問，他表示新碟收錄舞台劇的歌曲，有助今次銷量。至於新碟名為《Why Not》，軒仔稱靈感是來至12月21日世界末日的傳言，就是想做就去做。
軒仔坦言：「我好滿足，開錄音室嘅心願都達成咗，我所以都『眼閉』啦。」唯獨未成家立室？軒仔則言：「呢啲長期投資嘅嘢要諗清諗楚先！（你係鑽石王老五？）膽石王老五就有我份，未儲夠錢又未定性。」莫非有拈花惹草？軒仔笑言：「30出頭，就係從來未拈過！（冇拈力？）係冇「黏液」，哈哈！」軒仔坦言是個愛情專一的人，要找個相伴終身的人，絕不能玩玩吓。
五千萬開錄音室
提到軒仔與契媽在廣州投資建的五千萬錄音室，軒仔表示已由商業計劃轉變成培訓人才性質，所以，能做到收支平衡已經很好。期望何時回本？軒仔謂：「等批到學校牌照，開始收生就可以回本。」軒仔坦言一心為賺錢，就不會投資錄音室而是買樓，所以下一個目標就是置業，但都不是用來投資而是自住。
至於其舞台劇將代表香港文化周於11月到台北上演，在香港演出時，軒仔有一場只穿內褲演出。軒仔謂：「都會照剝，剝出個未來！（會唔會怕醜？）只係劇情需要，唔係賣弄啲乜，原本穿三角內褲，導演都改咗變平腳內褲，就係唔想變成焦點！」而再次一脫，軒仔稱又要開始地獄式操練，以最佳狀態到台灣示人。
文：音樂組
攝：劉智源
場地提供：Al Pasha
髮型：Aaron Kwok@Hair Culture
化妝：Andy Leung@D-mop Beauty by ND&Co.