梁麗翹冇膽遙距戀愛
2011年國際親善小姐梁麗翹（Nicole）甚少夜蒲，戀事亦寥寥可數，不過，今年七月與家人同遊泰國後，Nicole的桃花運亦似有轉機！她透露此行首次與相識十多年的泰籍大隻仔網友見面，對方為免她尷尬，細心地說陪她及其家人遊玩，充當「柴可夫」載她一家四處遊覽，Nicole冧爆道：「媽咪都話好鍾意佢。之後佢都有向我示愛，仲話想嚟香港搵我！佢又試過身在泰國，喺香港訂花送嚟我屋企！」
雖然Nicole對他讚不絕口，而男方亦曾承諾會照顧她，要求她搬往泰國，但抗拒遙距戀愛的她，直言只視對方為朋友：「遙距好難交心，我希望第時男友專一、有事業心同性格相夾，仲要喺我需要佢時，可以陪喺我身邊。」