阿Sa男友不及愛犬親
蔡卓妍（阿Sa）、林峯和鍾嘉欣前晚為《勁歌金曲》錄影。提到中秋將至，阿Sa透露家中三隻愛犬都是八月十五出世，不過其中一隻愛犬剛跌斷腳，故要陪牠們不會外出。記者笑身為她男友的陳偉霆比狗仔更慘，阿Sa謂：「唉！節日嘅嘢年年都係咁o架啦！（叫佢一齊陪？）唔講嘞，做嘢還做嘢。（佢中秋唔喺香港？）唔知喎。」曾於《勁歌》失準的她被問有否做足事前工夫時，她笑言：「都OK嘅！都過咗一段時間，自己有繼續學唱歌。」
林峯坦言剛為明年一月於紅館開的演唱會開會，屆時會給觀眾驚喜。問會否力谷腹肌？他謂：「盡量啦！造型師話叫我放心，海報會幫我遮住啲敏感部位。（邊度最敏感？）我全身都感敏。」
