陳豪撐楊怡不適伏大髀

曾與楊怡合作拍劇的陳豪昨日出席電台錄音訪問時，被問到對楊怡和羅仲謙事件的看法，陳豪大笑：「如果係我會大方啲，捉到都畀記者影張正常啲嘅相，遮遮掩掩可能會有意外效果。」又估計楊怡只是不適才伏在謙仔大髀。記者說發現異物喎，陳豪笑到面紅：「唔係吓話！」又表示謙仔做柴可夫只是紳士表現。問他如何「出火」？陳豪走晒音說：「飲咖啡！」

至於楊怡的緋聞男友黎諾懿昨出席新劇開鏡拜神時表示，雖未有看羅楊被指車震的報道，但他說：「都冇乜嘢啫，都係羅仲謙車楊怡返屋企。（楊怡瞓羅仲謙大髀？）以我識嘅楊怡係唔會咁做，佢可能飲醉咗唔舒服，等佢哋澄清啦。（動作不雅？）未睇相，睇咗先講啦。」問他會否覺得對楊怡形象有影響時，他說：「無論係點，對藝人都唔好啦。」