Rosemary生日拒收「求婚」
名模Rosemary和徐靖雯（Jenny）昨日出席中秋節活動，今日30歲生日的Rosemary透露昨晚與一班女性朋友食飯預祝，今日仍要開工，晚上才與男友慶祝，她大讚男友浪漫：「之前Katy Perry來港表演，佢安排咗我去睇，無諗過佢知我鍾意。」問男友可會趁她生日求婚？她笑說：「同佢講過唔好做呢個surprise。（女人30歲係重要時間喎？）我知道，我都希望生BB，（咁生BB先囉？）我係傳統女仔，有計劃。」
Jenny則透露剛拍畢一套3D電影，在戲中有特技場面要親身上陣：「開始有啲驚，之後就覺得好好玩。」她又稱原計劃與家人到日本旅行慶中秋，如今中日關係緊張，可能要改地點，自認愛國的她認為內地有些反日行動很過分和激動，應冷靜處理。