苟芸慧岑麗香生日拆碼
全城期待的8,000萬元六合彩金多寶今晚開彩，不少藝人都會下注希望發橫財，兩位宅男女神岑麗香及苟芸慧選號碼方法一模一樣，齊聲表示會以自己的出生日期作投注號碼，還不慎自爆年齡！
今晚六合彩金多寶彩池高達八千萬元，全城熱捧之餘，不少圈中人都紛紛落注，羅仲謙、吳卓羲、岑麗香（香香）及苟芸慧均表示會以出生年月日作自選號碼組合，期間不慎自爆年齡，十分搞笑！
羅仲謙與眾同「8」
兩位宅男女神苟姑娘及香香的揀號碼方法如出一轍，認真心有靈犀！她們表示會以生日日期做固定號碼，再臨場加入「靈感號碼」，苟姑娘說：「我生日係1983年7月11日，所以會揀7、11同38！如果中頭獎，我會畀媽咪處理，或者買樓同屋企人住，正式喺香港扎根。」至於香香，一聽到8,000萬約為1,000萬美元即雙眼放光說：「咁我一定要買！我生日係1984年11月17日，會用呢啲數字做組合，加上我選美兩次嘅號碼7同19。」
吳卓羲自爆生日是1979年9月2日，表示媽咪向來是六合彩擁躉，因此一定會捧場，若中頭獎會立即買樓：「整番個安樂窩先，之後再買車，但唔會買太貴。」羅仲謙則表示中獎後會買樓及做善事：「我生日係1984年8月28日，主要會2同8，我知8號好多人買，多人中獎咪與眾同樂囉！」
馬德鐘心水「32」
已是人母的楊思琦表示幸運號碼是7，希望可一夜變富翁，若中獎定必會行善；馬德鐘則說：「我心水number係32，次次都買呢個號碼，中獎就會投資同買樓。」對於印度人阿星去年中頭獎，其同鄉喬寶寶昨日以一身「媽姐」裝束宣傳其棟篤笑時恭喜對方，但自言一向欠缺賭運。
文：影視組