林子聰喊住做老襯
憑周星馳電影《少林足球》打入影壇的林子聰（肥仔聰）昨日亦跟拍拖十二年、現職芭蕾舞導師的圈外女友Christy拉埋天窗，在內地舉行婚禮，由於今次婚禮低調進行，除雙方家長親友外，只請了少數娛圈中人，當中包括跟肥仔聰多年好兄弟田啟文，而周星馳雖沒有到場，但派出家姐周文姬代表向肥仔聰送上賀禮。
昨晨婚禮舉行期間，一對新人拖手上台致辭，Christy大爆肥仔聰求婚的經過，說到感動時還哭了起來，身旁的肥仔聰邊哭邊安慰，場面感人！未知是否太緊張，Christy在台上爆肥仔聰求婚時，有點甩甩漏漏，要肥仔聰不斷在旁補充，Christy說：「我一直都想佢正式求婚，直至搬去新居住所，佢先正式求婚，我哋企喺新居嘅天台，佢同我講以前嘅天台已經係我哋嘅過去，依家呢個天台係我哋未來，聽咗之後，我好感動，亦覺得自己嫁咗一個好老公。」
專程飛到內地飲喜宴的田啟文昨接受電話訪問，笑言見到好兄弟結婚，感到十分開心，並祝對方婚姻美滿。由於新娘子昨穿了闊身婚紗，惹來懷孕疑雲，田啟文代老友否認：「一定唔係，可能件婚紗鬆，有咁嘅錯覺啫。」