周汶錡聞杜德偉結婚 失控求饒
38歲名模周汶錡將於今個月29日，下嫁法籍男友Julien Lepeu，並一連3天在法國舉行豪華婚禮。昨日，她出席無綫招募活動時，起初欣然接受同場楊思琦的祝福，但被記者問及她會否出席舊愛杜德偉於11月的婚宴時，她突然失控扯火，並求記者放過她。
名模周汶錡與楊思琦昨日為無綫生活台舉辦的「不得了人才招募」計劃擔任評判，思琦知道周汶錡婚期在即，即時恭賀她，最初周汶錡都甜笑接受，但到記者續問她的婚禮進展如何時，周汶錡開始「起弶」，並說：「今日我嚟做評判，講吓嚟面試啲年輕人佢哋啲水準啦，唔好講私人嘢！」
激動反應嚇窒記者
記者再欲問其舊愛杜德偉將於11月結婚，並於屯門擺酒，周汶錡未聽完問題，便突然扯火：「喺邊度擺酒又點？做乜問我？關我乜事？（你哋唔係朋友咩？對方有冇請你飲？）邊個話o架！（同杜德偉仲係咪朋友？）你話呢？」周汶錡突如其來的過激反應，令在場人士感錯愕，現場有記者問她為何有此反應時，她的態度又軟化：「我真係好大反應？好激咩？求吓你哋，放過我啦！唔好再問我啲咁嘅事！」
至於楊思琦則表示不清楚周汶錡確實的婚期，只知是開心事，要恭喜她，談到她6個月大的女兒曝光，被指外貌似足吳帥，思琦說：「大大吓會變，我唔想佢喺屋企只見到我同我媽媽，第一次帶佢出去，警覺性低唔小心就曝咗光。」
文：影視組