嘉樂帶盈盈環遊世界
錢嘉樂與湯盈盈被爆有B及婚訊後，深得各界祝福。前晚嘉樂到將軍澳電視城錄影《環遊世界明星賽》最後一集，他與林曉峰同組，力敵薛家燕加鍾嘉欣、谷德昭加葛民輝、陳敏之加鄭丹瑞。雙喜臨門的嘉樂全晚由頭贏到尾，成功捧走22萬獎金及價值16萬的雙人環遊世界商務客位機票。鄭丹瑞笑言：「本來我可以輕易贏出，但電視台有黑幕。」話雖如此，鄭丹瑞依然鬆章給嘉樂。
家燕自薦做奶媽
嘉樂賽前被問知否BB性別時，他謂：「未知，上次照咁啱遮咗，下次至知。盈盈話就算照咗都唔講我知，留番婚禮上開估，見黑森林蛋糕就係男，士多啤梨蛋糕就係女，佢真係好funny。等我攞張機票同佢去環遊世界啦！」家燕聞言即自薦做BB奶媽，要跟他環遊世界，嘉樂笑說：「奶媽燕喎！真係要買多張機票。」
醫生批准才旅行
對於眾好友「鬆章」，嘉樂昨日接受電話訪問時表示：「大家讓我。我同林曉峰同組，會平分11萬獎金，商務機票就因為盈盈暫時仲係粗身大細，出年生完，醫生話去得先去。先去加拿大探咗佢屋企人先，然後去啲冇乜去過嘅地方，例如南美洲、巴西。」
提到「神獸天使」劉蔚萱疑遭導演張永豪以非常方法教戲，曾與劉蔚萱合作的嘉樂說：「我冇佢電話，慰問呢啲嘢留畀錢國偉做。我唔識張永豪，道歉咗、收咗警告信，算啦！我想多啲正能量。」
文：影視組