林德信愛搵沙麗傾心事
阿Lam兒子林德信（Alex）自小父母離異，父親再娶沙麗，但Alex沒有視沙麗為仇人：「當時只有６、７歲，唔係好明大人嘅事，不過我同沙麗好friend，以前同妹妹放暑假返嚟探爹哋，沙麗都帶我哋去睇戲、打機，我哋嘅興趣仲夾過爹哋！」
他大讚沙麗是家中的開心果，非常聰明，與她相處融洽：「咁多年都好開心，只係試過13歲時去朋友屋企玩到半夜２、３點，畀佢鬧咁夜唔返屋企。佢好關心我、妹妹、爹哋同嫲嫲，屋企嘅飯局都係佢安排，自己有心事都會打電話問佢意見，我入行佢都有畀意見，話做音樂有難度，叫我拍多啲戲，覺得拍戲啱我性格。」