陳展鵬谷上一線 孖鍾嘉欣談情

無綫將開拍三十集的跨年代大劇《巨輪》，由王心慰監製，而男主角則由無綫新小生陳展鵬及最近備受力捧的蕭正楠擔綱，故事大談二人兄弟情，二人將由二十歲演到五十歲。無綫亦花錢打算到澳門拍攝一個月，監製王心慰表示今次公司落本拍攝，劇情由1991年拍至2013年，由於展鵬角色初期是警員，故有不少動作戲份，劇中更會與鍾嘉欣演一對，其他演員則有田蕊妮、阮兆祥等等。
陳展鵬（左）和蕭正楠耕耘多年，終於升呢做主角。
陳展鵬（左）和蕭正楠耕耘多年，終於升呢做主角。

蕭正楠興奮當主角

記者電話訪問展鵬時，他坦言首次跟鍾嘉欣合作：「其實佢係我好鍾意嘅演員，畀人感覺好舒服，劇中我非常喜歡佢，但會有啲三角關係。」說到要拍動作戲，展鵬坦言雖然一連開了三個劇，但狀態甚佳，相信可應付到。而蕭正楠表示首次擔正重角，相當期待，他接受訪問時表示由於劇中是佛山人，要做大陸feel一點，說到無綫力捧他上一線小生之位，他說：「自己呢幾年累積好多，呢兩年由幾集去到依家主角，感覺好興奮，（多人走有機會？）每個人努力始終會有人睇到的。」而鍾嘉欣亦表示對此劇相當期待，說到與展鵬首次合作，她坦言開心，更讚對方是好戲之人。

文：影視組

陳展鵬讚鍾嘉欣平易近人。
  • 陳展鵬讚鍾嘉欣平易近人。
鍾嘉欣將有份拍攝無綫重頭劇。
  • 鍾嘉欣將有份拍攝無綫重頭劇。