苟芸慧不敵香香濕平散心

同樣出身國際中華小姐（前身為國際華裔小姐）的陳法拉、苟芸慧及岑麗香，先後被宅男捧成女神，但近日才起步的「香香公主」岑麗香，憑新劇《巴不得媽媽》中三點式淋水、除bra等出位演出，迅即躍升為新宅男女神，地位比苟姑娘猶有過之。

揀個咕o臣半粒鐘

苟芸慧前晚六時半，未知是否女神地位被搶，被發現約同女性友人到銅鑼灣shopping散心，頭戴cap帽、身穿藍衫及黑色貼身褲出巡，沿途吸引不少男士行注目禮，但苟姑娘未有為意，與女友人進入一間精品店後，即聚精會神揀足半粒鐘，完全沒為意記者正在追訪她，直至她捧着戰利品步出，記者上前叫她，她才發現記者，並友善微笑揮手，盡展女神親民一面，更透露買了一個心形咕o臣，之後與友人轉場繼續行街。

岑麗香（右）人氣急升，有取代苟芸慧宅男女神之勢。（資料圖片）	苟姑娘離開時發現記者，即微笑揮手。	苟姑娘在店內聚精會神揀咕o臣。

教師妹學廣東話

至於也曾是宅男女神的陳法拉，前晚以一身黃衣sharp醒出席攝影活動，對於女神地位被兩師妹步步進迫，她不忘提醒各界她才是師姐，她說：「苟芸慧同岑麗香都有請教過我講廣東話嘅秘訣，有新人出嚟係啱嘅，我都有勉勵佢哋畀心機做嘢。我發覺做得女神都係廣東話唔正，我初嚟香港都講唔正，後來積極改善。」

與陳法拉同場出席活動的陳豪說：「我鍾意影相，（鍾意影咖啡定陳茵媺？）最好佢捧住杯咖啡，咁就兩全其美。」此外，法拉昨在微博就菲律賓將南海命名「西菲律賓海」發言，指「是中國人就要抵制菲律賓的……香蕉，我見一條砸一條」，被網友喪鬧，法拉隨後刪走留言。

文：影視組