Ana R.氹阿媽逼男友吃辣
混血名模Ana R.前晚出席活動時竟露出整個胸圍，性感非常，原來是因裙子不停滑落，她索性將錯就錯任由bra外露當fashion，而她的新男友亦明白她的工作需要，絕不介意她sexy，而她為要男友陪韓籍母親吃飯，特訓練他吃辣呢！
名模Ana R.前晚與兩位同門model師妹何紫綸（Ann）與伍靜麗（Angie）齊齊出席活動，大會當晚還安排了幾位外籍猛男表演拳擊，一眾女士包括陳煒也大感刺激。Ana和Angie均打扮性感，打扮密實的Ann立時給比下去。當中身穿tube dress的Ana竟然露出整個bra，大膽兼性感，甫到場即成焦點。Ana笑說：「因為條裙係咁跌落嚟，我索性騷晒成個bra出嚟，係咪好fashionable？」果然有名模本色。談及戀情時，Ana就坦言目前與男友相處得非常開心，對方又不介意她性感。而近日正訓練男友吃辣的食品：「我八歲開始食泡菜，但男友在英國長大，唔食得辣，佢進度好慢。因為我媽咪聖誕節會來港，想帶佢見家長同媽咪一齊食飯。」
Ann直認似Angela
而Ann則以密實打扮亮相，她笑言主力騷腳，由於早前拍戲時全身黐滿膠紙，導致傷痕纍纍，不方便作性感打扮。問有報道指她與吳雨霏及區文詩（Angela）愈來愈似樣，有整容之嫌？她解釋說：「其實我愈大就愈覺得自己似Angela，如果我同佢變得更靚就等於整容，咁就整啦！其實我只係打botox，因為之前為美容院代言。我唔介意整容，但唔好做手術加工。（你覺得佢兩個有冇整？）佢兩個有成熟女人味，好靚。Angela打透明質酸，輪廓出晒，連運都會改。」
Angie荷里活試鏡
另外Angie談及對於整容的看法就表示：「其實我唔抗拒整容，不過我冇整，就算整到好靚都係為幕前。」另外，她透露現時主力行時裝騷，但剛剛接受了一部西片的試鏡，希望能打入荷里活。
文：名人組