傅嘉莉掃比堅尼同杏兒爭仔
藝人傅嘉莉（Kelly）、胡杏兒、吳卓羲（Ron）、羅仲謙等昨早齊集機場離境大堂，準備出發到海南三亞，拍攝無綫新劇《衝上雲霄II》外景。
行足6間水着店
在劇中飾演咖啡妹，與吳卓羲、胡杏兒有三角戀的Kelly，在海南將有三點式戲份，為了好好迎合這個上位良機，她日前特地連逛5、6間水着店揀選心頭好，她事後接受電話訪問表示：「其實我都唔係第一次泳裝上陣，以前拍《當四葉草碰上劍尖時》都試過，不過今次會成熟性感啲。（揀咗啲咩成熟性感泳衣？）監製同導演話要鮮艷啲，搞到我行咗5、6間至決定到。」
Kelly坦言為以最佳狀態示人，不惜作出犧牲，她說：「我有做運動、節食，就算夜收工，都唔敢食消夜，（仲有咩秘密武器？）防曬油，因為我要令皮膚保持白滑，仲有買咗啲防走光用品，我要做足安全措施。」
多謝黃宗澤力撐
當家花旦杏兒則從容面對此行外景之旅，她說：「今次度假feel，有成班年輕人陪我嬉戲，（你都要三點式上陣？）我ＯＫ o架！唔驚被人影。」提到舊愛黃宗澤開腔力撐她日前撐姐夫競選，她說：「多謝佢，件事唔可以話係錯，係立場唔同，唔使太偏激。（佢有事，你撐番佢？）佢係我朋友，但我都要睇咩事。」
文：影視組