林峯撞傷手指 着褲有難度
無綫行政主席梁乃鵬前晚宴請劇集《回到三國》台前幕後食飯慶功，林峯、馬國明、楊怡等出席。遲到45分鐘的林峯解釋拍戲趕來，匆忙間撞傷左手食指。他說：「電影拍咗一場落水戲，沖涼拉浴簾時手指插咗埋墻，腫晒痛到幾乎着唔到褲，可能要睇骨科。」他又稱雖與緋聞女友吳千語合作，再傳緋聞便當宣傳。
提到今年視帝可能一人一票選出，粉絲多多的的林峯豈不是勝算大？他說：「唔關事，不過我都會支持一人一票，多啲人有份參與，自然大家會留意，收視亦會高啲。」馬國明則謂：「冇乜所謂，獎項平常心，又唔會拉票，甚至學議員打告急牌，無謂咁核突啦！」
