祖兒唔恨收師兄戒指

容祖兒前晚盛裝出席Chanel舉行的Ultra戒指系列發布派對，其他出席嘉賓還有名模周汶錡及Ana R.、徐淑敏、何紫綸、羅霖等。祖兒戴上品牌的耳環賣口乖說：「呢對耳環係我唯一一對想用自己私己錢買嘅耳環，都要六位數字o架！（你買得起啦！）咁有時戴過就算，但呢對真係想買，（想唔想人送？）想o架，如果有梗係想！」

鍾意自己買

祖兒又謂曾收過別人送的戒指，問到是否劉浩龍送？她即說：「開咗名就唔答喇！（如果佢真係送畀你敢唔敢收？）都係鍾意自己買。」此外，對於師兄舊愛鄭融自爆兩人拍拖時沒有二人世界及私隱？祖兒聽罷說：「其實藝人拍拖向來都係高難度動作，有時係要明白同接受，（接受地下情？）自己私人嘢唔答。」

消瘦了的徐淑敏谷胸現身，仍見性感。

周汶錡對婚期繼續保密。

徐淑敏跌cup

而被本報踢爆將於法國康城舉行一連三天婚禮的周汶錡，依然對婚事三緘其口，只謂婚禮在安排中，適當時候就會公布，她又坦言婚後會生B。至於「咪神」徐淑敏就谷胸現身，笑言身材已大不如前，她說：「整體都瘦咗，跌咗兩個cup，（老公詐型？）佢話唔緊要都好靚，但就建議我做多啲運動。」她又謂喜歡買珠寶，最貴買過六位數字的首飾，並打算留給女兒將來作嫁妝。

文：名人組