Jeana處下峰 被張暖雅拋窒
o靚模何佩瑜（Jeana）、郭穎兒（Celia K.）、張暖雅、張建聲及王宗堯等電影《一路向西》演員昨日到旺角宣傳，原定他們到行人專用區派postcard及避孕套，碰巧有食環署職員到來清場，電影公司臨時轉plan，改到幾條街後造勢，大批龍友聞風即跟蹤記者進行「大遷徙」，因道路被逼爆，大會安排記者上車做訪問，結果一眾演員要焗在車上受訪及拍照。
近日狂拋西瓜胸的張暖雅繼續身穿黑色低胸晒巨咪，Jeana終於出招穿白低胸裝以性感抗衡，問到會否怕人多被非禮？她說：「怕就唔嚟啦！（男友張柏文介意？）佢唔理我呢啲o架！」對於錢國偉緋聞女友陳宛蔚早前在旺角被抽水，Jeana不忘寸對方：「佢哋渣啫！我哋有6至8個保安，又有幾個男演員，唔怕！」
若勁收集體裸泳
Jeana又豪言有信心電影會勁收六千七百萬成華語片史上冠軍，屆時會集體裸泳慶祝。問到是否介意被張暖雅寸沒有戰鬥力而再度性感，Jeana即不屑說：「吓？咁就有？」身後的張暖雅即加把嘴搶答，寸Jeana說話冇意義，嚇得Jeana緊張得弄跌手上的藍芽咪，但她仍死撐唔認被拋窒：「架車震咋！」
完成訪問後，眾演員打算落車派套，豈料因有近百龍友及途人包圍專車，令現場塞得水洩不通，引來警察到場了解及勸喻離去，結果眾人只匆匆拍照便要撤退。
文：影視組