JC嫌男友蠢 狠打洩憤
有功夫底的「警胸鐘」Jessica C.果然有暴力的一面，揚言想狠狠打前男友一頓。又謂在大庭廣眾若被博懵，會毫不留情，對色狼使出飛毛腿，而女人則扯頭髮。
警胸鐘Jessica C.與師妹楊柳青昨日出席露天舉行的now TV × UFC活動，JC身穿白色小背心透出黑色運動短top兼短小事業線，沿途吸引過半百途人圍觀兼爭相合照，JC態度友善來者不拒。另外還即場大耍功夫，又向國際終極格鬥冠軍康李與中國選手張鐵泉拜師，並要求傳授秘技，繼而露兩手踢腿，險些走光。
沙包當真人
JC接受訪問時表示之前因拍戲關係有學過功夫，被問到有否與以前的男友打交？她笑着說：「有，你點知我有時想打佢。我諗每個女人都想打前男友，（因為佢哋壞？）唔係壞，而係蠢，不過都過咗去啦。我有時做gym，都會當沙包喺人咁打。」
扯女人頭髮
至於在戶外工作多圍觀者，會否擔心有人乘機博懵？她說：「都ok！雖然出席活動好多時人多圍住我，大家好close，但佢哋唔會摸我，我從未試過有不愉快事發生。（如果被博懵會點？）係男人我會出腳踢佢，如果係女人我就扯佢頭髮。」
文：名人組