美同學個個1米8 王敏奕變身小矮人

20歲影壇新人王敏奕（Venus）早前到紐約進修，除了膽量及演技有所提升外，因每日大擦高熱量食物，令她增了磅也不自知：「個個同學都一米八以上，我變咗小矮人咁，佢哋睇番我以前啲相係咁話我太瘦，叫我食多啲嘢，覺得我價值觀有問題。（依家唔會想太瘦？）我不嬲覺得要健康，唔好暴肥或暴瘦，但返港後要勤力啲做運動。」Venus又表示外國的同學對中國文化甚有興趣，令她十分自豪：「佢哋見我寫中文即刻好驚訝，不斷大讚好靚，令我好似有超能力咁，佢哋又對亞洲女仔好好奇，問係咪都比較怕醜！」