樂基兒認收黎明遊艇
上月黎明嫂樂基兒（Gaile）生日，有傳黎明豪送名車及遊艇給她，昨日Gaile出席活動時，以「收咗唔想講」作回應默認此事，又稱收到遊艇或一粒花生也同樣開心，認真甜到漏，亦打破之前有傳她與黎明婚姻現危機之說。
昨日Gaile、蔡卓妍（阿Sa）、泳兒、詩雅出席時裝店開幕，久未露面的Gaile現身時有一名中年男子向她大叫「Gaile，我愛你」，當Gaile離開時，對方要求跟她握手，她亦大方照做。Gaile笑言香港人很熱情，問到是否在家中經常聽黎明對她講我愛你？她即拉開話題：「好似有首歌係咁。」
收花生都開心
提到早前生日，她稱當日在港食飯慶祝，問到收了甚麼禮物？她說：「禮物唔會講。（有傳黎明送車同遊艇畀你？）呢啲係Gossip。（係咪真係收到遊艇？）好難答。（收咗唔想講？）係啦！收咗唔想講。」記者笑指她的回答已代表講咗，她即撒嬌說：「你哋蝦我咁耐冇做訪問同中文唔好。」問她是否可隨時出海時，自知爆響口的Gaile開始語無倫次：「依家好凍，立咗冬。（係立咗秋喎！）總之都係凍凍哋。」她稱自己喜歡游水及出海，但最近未有出海。問她收到禮物時是否很驚喜？她甜笑說：「冇所謂，係心思，收到遊艇同一粒花生都係咁開心，最重要係有心送，唔係送大啲貴啲嘅禮物就開心。（等埋黎明一齊出海？）未發生唔講住。」
另外，Gaile表示早前到了美國、台灣及菲律賓，部分是為了傾生意，但拒絕透露詳情。對於她不在港期間有不少傳聞，有指她離婚，亦有指她懷孕，她笑謂：「呢啲都係唔同情況，關於八卦嘅嘢唔答，時間會證明，而且答咗都冇用。」
阿Sa患渴睡症
至於阿Sa透露日前由英國拍廣告回來，但仍有時差，經常感到疲倦，笑自己患了渴睡症，又指英國空氣很好，但回港後便敏感發作，問她會否考慮移民外國？她稱很喜歡香港，暫無此打算。
文：名人組