古巨基床戰頂頭槌
古巨基早前為新專輯「告別我的戀人們」拍攝唱片封套，配合新碟主題回憶以往戀愛史，基仔邀請之前出任他新歌ＭＶ女主角的梁靖再次合作拍攝封套。
Lorraine監場
至於好友林海峰（Jan）為封套任美指兼動作指導，要基仔和梁靖在床上轉出不同纏綿姿勢，其中梁靖躲在基仔頭上位置，像貓般蜷曲身體，令基仔有「頂頭槌」之嫌，險碰到女方胸部，兩人更有頭碰頭、鼻貼鼻的鏡頭。問到是否因得力助手Lorraine監場不敢錫錫？基仔笑言：「影Cover啫，有Mood就夠，阿Jan都冇要求加戲。」
唔敢騷肌肉
而基仔還與梁靖齊以「小背心」示人，基仔大騷手臂。問到為何不除衫晒肌？基仔說：「若然我有排『朱古力』，我唔怕攞出嚟畀大家食，但我得『豬仔包』，雖然我同（鄭）伊健係同一個健身教練，但明顯我同佢係有好大距離，所以騷肌肉都係留畀伊健啦。」
文：音樂組