霆鋒急關車門 揼低拉姑

上周32歲生日的謝霆鋒，因為不在香港未能和家人一同慶祝，前晚拉姑趁愛兒回港，馬上安排飯局於酒店歎日本菜為霆鋒補祝生日。

前晚8時半四哥和一名男友人率先離開，及至約十時，戴帽的拉姑笑笑口出現，至於戴上黑超留了鬚的霆鋒則緊隨拉姑其後，和鬍鬚Kong等前後腳步出，未見兩名愛子Lucas及Quintus的蹤影。

戴黑超的霆鋒離開時心情不錯。

霆鋒為避答栢芝的問題，立即關上車門。

普通食飯

霆鋒拿着一袋印有其公司標誌的東西，小心地放了上保母車，眼見眾多記者追訪，即時笑笑口，心情甚靚地說：「嘩！咁齊人！」當記者追問是否補祝生日，霆鋒笑說：「普通食飯啫！」及至再追問前妻張栢芝是否冇到？兩個仔仔有否送禮物？霆鋒一概不答，更急急腳走人，坐上車馬上拉車門。

未能上車的拉姑一臉尷尬。

四哥早於8時半左右離開飯局。

霆鋒心急地一手關上車門，令到站在車旁，打算上車的拉姑即時被兒子關在門外，露出一臉尷尬表情。未幾霆鋒總算發覺將阿媽漏了在門外，馬上開車門，讓拉姑上車，不至於把拉姑一人留在酒店門外。

文、攝：追蹤組