楊怡生日要心又要金

楊怡與羅仲謙這對情侶最近被傳「好事近」派喜餅，昨日為無綫劇《仁心解碼2》開工的楊怡，大耍太極稱中秋節派月餅則冇問題，但又向謙仔隔空傳情，表示生日禮物要心又要金：「其實我都30幾歲，結婚都好正常，（有指你貼樓嫁？）報道錯晒！層樓我買畀阿媽，報道指謙仔食軟飯，我覺得真係好肉酸，（心痛？）唔係！（恨收婚戒？）係收咗戒指，係最好嘅女朋友送！（生日點慶祝？）冇，都要做嘢，（想收咩禮物？）冇呀……是但啦！心意就得，但都想要錢囉！」至於謙仔就報道稱不是事實不回應。