鍾嘉欣贊成普選視后

鍾嘉欣昨日到電台宣傳時,問到有否信心在年底爭奪視后寶座?她說:「上年自己太緊張,搞到好辛苦,今年我會以平常心去面對!(有傳會普選視后?)幾好喎,但希望唔好又死Server啦!不過我建議一半公投,一半由高層嚟決定!」

另外,她又睇好馬國明贏視帝,並指他近年演出有突破,更大讚他早前劇中角色「一件頭」:「佢呢個名令我有回到初戀嘅感覺,因為少女都鍾意呢類名嘅男仔!(緋聞男友伍允龍會呷醋?)我鍾意個角色啫,又唔係鍾意個人!」