梁漢文晒胸肌兄弟任摸

【蔡振龍澳門直擊】梁漢文(Edmond)前晚在澳門處男騷上,被兄弟張衞健(Dicky)等人偷偷將葡撻塞入舞衣,為他製造「驚喜」外,騷肌的Edmond更被他們上下其手,任摸唔嬲!

梁漢文前晚在金光綜藝館舉行入行廿年來首個澳門演唱會,Edmond先以一身金色緊身衣騷肌出場,其後再以白馬王子Look大唱情歌,他因穿上三吋高踭皮鞋,在落樓梯時失平衡險仆,他事後說:「因為綵排時冇試鞋,加上估唔到樓梯咁高!」

Dicky等好友除了現身撐場外,更送上神秘禮物贈興,將葡撻、豬扒、燒鵝等食物偷偷塞進Edmond舞衣口袋內,他摸衫袋時雙手更弄得「杰撻撻」,大叫:「咁核突嘅!」更要勞煩工作人員即場幫手清理。騷後他補充說:「我升上台時先知佢哋放咗份禮物喺我衫袋,我已經心知不妙!」

「小Edmond」幸保不失

在Encore環節,他換上一套露髀開衩衫,Dicky等人更現身台上向他「施襲」,伸手摸他大髀,又拍打他的「朱古力」腹肌!事後問他「小Edmond」有否被摸?他說:「咁又冇,不過佢哋真係摸得好深入!」他又指可以趁機與Dicky商議BIG FOUR合作大計。

文:音樂組