Alice B.護灘：垃圾咪亂扔

混血女模Alice B.閒時最愛約同三五知己到沙灘暢泳兼曬太陽，自封游泳健將的她，笑言所有泳式都難不到她：「我最鍾意游背泳，成個人放鬆咁浮喺水上面，真係好relax！」但她坦言首次踏足香港的沙灘時，實在被當時人頭湧湧的情況，以及海水的污染狀況所嚇怕。她說：「見到好多膠袋同埋垃圾喺海上面漂浮，真係好心痛。其實個沙灘人人都有份，大家應該有公德心，收拾好自己嘅垃圾，唔好貪方便拋落海。」
Alice坦言曾被香港沙灘嚇怕。
Alice坦言曾被香港沙灘嚇怕。

而對於月前颱風襲港，導致大量膠粒流入海中，她坦言曾與友人相約到沙灘「執膠」，但可惜因工作關係，最終未能成行。她表示：「我依家住喺香港，都好希望為呢個地方出一分力！」

Alice閒時愛約友人齊齊「下海」暢泳一番。
  • Alice閒時愛約友人齊齊「下海」暢泳一番。