Mandy Lieu自私跑車
每逢月頭出糧，都總會燃燒起我們的購物欲望，想把最新出爐的產品據為己有。尤其最近見到各大時裝店的櫥窗都紛紛換上秋冬新裝，不禁令人購物欲大增。徐濠縈一貫潮人本色，渴望擁有最潮、最新款的Boots，縱使香港暫時沒貨，亦絲毫不減她的熱情，更打算親身到巴黎入貨，誓要找到心頭好！而名模Mandy Lieu則最想買兩座位的跑車。
《保時捷新車發布會》:Mandy Lieu
「我想買車！其實已經諗咗好耐，依家愈嚟愈有衝動，我會買只可以坐兩個人嘅車，因為唔想載其他人，我怕畀人笑我嘅駕駛技術差呀！」
《anteprima時裝騷》：諸葛紫岐
「想買啲閃令令嘅手袋，可以用嚟襯衫，有點睛嘅作用。」
文詠珊
「我想買較淨色系嘅衫，例如灰色，仲要Oversize，唔想太女性化。」
《護膚品活動》：吳雨霏
「開始轉季，我想買護膚品作準備，因為緊緻啲效果會靚啲。」
徐濠縈
「我想買一對Chanel嘅綁帶鐵頭Boots，但香港無入貨，等我去巴黎睇騷嘅時候入貨。」
《滑雪度假村宣傳活動》：陳豪
「想買新款咖啡機，因為依家啲機磨出嚟嘅咖啡好香又磨得快。」
《何國鉦婚紗騷》：倪晨曦
「就嚟秋季要入番啲Boots，想買較中性嘅鞋款。」
吳千語
「想買一個盒形嘅Clutch，型啲，唔會咁普通。」
陳嘉桓
「我想買英國風的紅同藍色的平底鞋，富懷舊風！」
汪圓圓
「想買一個唔大又唔細嘅鮮色背囊，想自己有個型少少嘅形象。」
唐貝欣
「想換Samsung Galaxy SIII，因為用開嗰部已經慢咗。」