容祖兒實至名歸 懶理是非
樂壇天后容祖兒（Joey）以前後Deep V長裙亮麗出席活動，談到出騷換獎傳聞，她強調自己得獎是實至名歸。
容祖兒、Twins、羅力威、陳豪和台灣女星陳妍希等前晚到會展擔任品牌頒獎禮大使，華麗打扮的Joey透露正為即將舉行的新城電台音樂騷Keep fit，提到可擔心被傳出騷換獎傳聞，她笑言：「我年年都做o架啦。（咁你年年都有獎？）你咪當係囉！是但啦！」另又說：「其實我出騷當係攞經驗，我講嘢唔叻，做騷可以凸顯歌手嘅價值，咁我第時拎獎咪係實至名歸囉。」
陳豪儲夠錢求婚
而師妹Twins被問到有傳年底可能實行一人一票選出四台聯頒獎項，兩人不約而同地贊成，阿Sa（蔡卓妍）更大讚新概念有公信力：「我覺得可以整個投票箱畀人投票，咁咪唔會死Server囉。」阿嬌（鍾欣桐）亦笑言聯頒可省卻不少工夫：「一個搞掂晒，慳番好多錢呀！」
早前在港拍戲的陳妍希就以性感Tube Dress示人，她又表示工作人員小心保護她，避免於拍攝高難度動作時受傷。另外，她大讚化妝師教識她講廣東話，問到可想有男友教她？她笑說：「希望有。」同場的陳豪就大爆自己正努力儲錢結婚：「我拍拖好慳家，我一儲夠錢就會即刻求婚！但係依家仲有一段距離。」
文：音樂組