超蓮 潮牛萬歲

翻開各大時尚雜誌或平時有留意中外潮流的就會知道，Denim Look（牛仔造型）經常興完又興，設計永恒，Denim這個布料的發揮性很大，成為很多時裝設計師的靈感源泉，當中以DSQUARED2常愛牛仔創作。
何超蓮<br>橫間小背心加埋深色熱褲，襯得OK，簡單隨意，一啲都唔造作，造型討好又青春。
何超蓮
橫間小背心加埋深色熱褲，襯得OK，簡單隨意，一啲都唔造作，造型討好又青春。

然而，牛仔配搭的變化很多，未必下下都要Total Look上場，要不然一對波鞋都能成為造型上的亮點。星級形象指導郭慶彬（Ricky）則教讀者們，像李嘉欣的一對牛仔布波鞋造型「亮」出型格，何超蓮及中國名模何穗的背心或tee襯牛仔短褲則最為穩陣。

中國名模 雎曉雯

好核突！Box-Cut嘅淺色牛仔褸已經難着得好睇，仲配埋深藍色牛仔褲，仲要襯個橙色手袋，效果娘爆！唔知點救！

中國名模 何穗

呢套打扮好街坊造型，係人着衫，真係少啲氣質都着唔起，建議加條頸鏈點綴下，相信成個感覺冇咁悶。

李嘉欣<br>最突出係對紮染色嘅牛仔布波鞋，成為全身亮點，配搭舒服又襟睇，好Smart Casual！
  • 李嘉欣
    最突出係對紮染色嘅牛仔布波鞋，成為全身亮點，配搭舒服又襟睇，好Smart Casual！
陳法拉<br>有啲似刻意騷長腿，配搭老土，唔係呢個年代，MK妹感覺，完全同「型」扯唔埋。
  • 陳法拉
    有啲似刻意騷長腿，配搭老土，唔係呢個年代，MK妹感覺，完全同「型」扯唔埋。
蘇永康<br>牛仔Overall望落幾新潮，起碼個Feel唔似油漆工人，襯埋爬山鞋加黑超，成個感覺新潮晒。
  • 蘇永康
    牛仔Overall望落幾新潮，起碼個Feel唔似油漆工人，襯埋爬山鞋加黑超，成個感覺新潮晒。

點襯都死

陳慧琳與張栢芝同着Dolce & Gabbana長Boots，由於款色太花碌碌，Ricky話好蝦人着，點襯都容易出事！

張栢芝

太花，由頭花到落腳，加上條裙着到佢身形水桶，對Boots又遮晒成對腳，如果換對棗紅色高跟鞋，見到雙腿線條會靚好多。

陳慧琳

白褸藍裙配搭本來夠穩陣，但錯咗對Boots，認真失敗，視覺上令佢大髀變粗。如果改襯Gladiator Shoes或Strappy Shoes，會順眼得更Fashionable。

形象指導郭慶彬

星級形象指導郭慶彬（Ricky）曾到巴黎時裝周欣賞Read-to-Wear與高級訂造服，品牌包括有Chanel、Valentino與Jean Paul Gaultier等，也曾被邀中國時尚節目《美麗俏佳人》擔任嘉賓主持，早前更為丘凱敏新書《女皇駕到》的撰寫工作外，並於今年9月為收費電視now拍輯時尚特輯，順道睇騷。Ricky曾為李冰冰、吳君如及張惠妹等擔任造型師，地位被肯定。