陳慧琳爆囝囝聽MJ歌起舞
歌手陳慧琳（Kelly）前晚出席時裝活動，以吊帶背心亮相的Kelly明顯身材弗爆。她提到兒子蝦餃仔升上幼稚園一年班，並剪了一個新髮型上學。問到囝囝有否認識到女朋友仔？她笑言：「暫時未有，佢鍾意車，同男仔啱玩啲。」另外，她透露現正錄製廣東大碟，希望十一月面世。她又說：「唔知囝囝知否其職業是歌手，不過有人喺街上同我合照，佢都會同我一齊影。」又透露囝囝最愛聽Michael Jackson（MJ）的歌，會邊聽邊起舞。
而同場的前港姐歐陽妙芝對無綫因技術問題，未能一人一票選港姐，她力撐說：「一人一票都係噱頭，想吸引大家睇。（邊個係你心水？）季軍朱千雪。（戥佢唔抵？）我哋應該相信評判嘅眼光。」
