江若琳睇樓伺機入貨
歌手江若琳、恒生新抱何倍倩與皮草太子爺王大業昨日出席護膚品活動，江若琳表示平日不用開工就不會化妝，更不介意素顏外出，故常被公司責怪。問到早前被拍得看樓盤？她說：「睇吓啫，特首話依家實施緊降溫措施，而且仲係樓市高峰期，我唔會咁笨依家買樓。（有傳老闆借錢畀你買樓？）咁又唔使，我希望有能力自己買到，（有冇心水？）我想買一個六百呎嘅單位，大約預四百幾萬。」她又嘆香港樓價太高，港人好慘情。
王大業否認dry爆瘡
至於王大業就爆瘡現身，問他是要應付前緋聞女友何超雲的罵戰而壓力大？他即面露輕鬆說：「冇乜壓力，（佢形容你係酸葡萄？）佢嘅嘢盡量畀番佢答啦，我同佢都冇聯絡！」那爆瘡是否因為太dry？他即否認說：「我唔dry好耐，只係因為皮膚敏感，（即係有拖拍？）咁冇拍拖唔代表dry嘅。」
