關楚耀忙護花慘遭非禮
錢國偉為慶祝執導的《喜愛夜蒲2》上映7日收800萬，前晚與片中演員關楚耀、連詩雅、模媽Mia、陳偉成、緋聞女友陳宛蔚、張暖雅等舉行慶功宴，並希望票房收逾千萬，乘勝追擊開拍第3集。關楚耀受訪時表示要向公司道歉，因公司與電影公司訂明不能「除淨條底褲」，但他拍到興起違約：「再拍（第三集）嘅話可以更激，但唔會再先斬後奏。」早前陳宛蔚於鬧市宣傳時遭抽水，原來關楚耀忙於護花，同樣被非禮！他說：「當時好混亂，我伸開兩手擋住啲人，有個男人揸我手臂仲猛話結實，諗番至知畀人抽咗水。」
模媽Mia與陳偉成齊聲透露另一半各已看過兩人的表現，Mia說：「男友睇咗一半就眼火爆走咗。」陳偉成則笑言：「Chrissie（女友周秀娜）睇完話『你啲戲好屎，十年都追唔上我』！我聽到想喊。」中門大開的張暖雅成為全場最性感，她坦言機會難逢，要自薦拍下一集。
