吳雨霏放完大假索女進化

吳雨霏（Kary）出道時因「豬膽鼻」慘被封「醜小鴨」，經過十年的進化，Kary搖身一變成為「索女」，其實Kary每次放大假後都會「變臉」，去年到美國旅行後被本報發現她成功削走福相「鼻頭肉」變「間尺鼻」，早前秘密與網球王子男友洪立熙到泰國旅行的Kary又再將「闊嘴」變「咪嘴」，近日為明年1月個唱造勢的Kary每次面對鏡頭都由「o依起棚牙」改成「合埋嘴」，展露迷人笑容。

恍如倒模

不過，細心一看下，Kary的「咪嘴」樣跟好姊妹區文詩（Angela）笑容似足倒模一般，由於Angela與何紫綸（Ann）當年齊戀上張栢芝兩位弟弟張柏文及張豪龍，當年兩位「妯娌」已被形容為「孖生姊妹」，而Ann曾承認打過Botox，她說：「成塊面V晒，冇以前咁方。」Kary、Angela及Ann儼如「咪嘴三嬌娃」。

2003年	何紫綸當年因張豪龍知名度大增，至今她已闖出自己的一片天，不過樣貌亦有所變化。（資料圖片）	2002年

姊妹幫口

前組合Cookies成員Kary、Angela、楊愛瑾（Miki）及鄧麗欣（Stephy）等近年不時相約飯聚，對於Kary與Angela齊做「咪嘴」族，身為好姊妹的Miki說：「有啲咁嘅事？2星期前先見過佢哋，坐埋一齊都係講扮靚，冇聽過佢哋講。」而Stephy搞Gag說：「係呀，我覺得似，連我自己個嘴都似，因為friend嚟o架嘛，梗係啱嘴形！」

區文詩前晚出席活動時笑言不怕鬼節：「我男友係外國人（鬼佬），所以負負得正。」	2002年	放大圖片
吳雨霏近月的樣子愈見標致，是因化妝技巧提升或是其他原因則不得而知。

文：音樂組