徐佳琦讀報速學廣東話
有「動漫徐子淇」之稱的徐佳琦（Jackie）樣子甜美，去年年底更被徐小明發掘，投身電影《我老婆唔夠秤2》，認真架勢！雖然原籍上海的她來港只有八個月，不過她已在短時間內速成廣東話，而問到她的學習秘訣？她笑說：「雖然有朋友話學廣東話要講粗口先，不過我冇學到，反而狂讀報紙，之後有同事話講一句普通話就罰一蚊，唔知係咪因為咁好快學識，講得仲叻過金剛添！」
此外，Jackie又希望可在影壇發展，更自言會以林嘉欣為學習對象：「我想好似林嘉欣做一個用心演戲嘅演員，我會用心去學，希望有朝一日會成功！」