高鈞賢星級校長 引爆細路創意
俗語有云「因禍得福」，香港先生高鈞賢早前打波整親腳，停工休養的三個月中， 的起心肝實踐一路以來的夢想——開學校，利用多元化課程以玩樂方式開啟小朋友創意之門，落重本斥資六位數的他望一年內可回本！
藝人創業已非新鮮事，高鈞賢（Matthew）不揀熱門的飲食、服裝等行業，卻選擇撈「偏門」生意——開學校。原來早於他剛入行主持兒童節目時就有這念頭：「嗰時有好多機會接觸唔同嘅學校同小朋友，我覺得辦呢類學校可以接近呢行，可以帶埋啲小朋友去做騷。」雖然腦海早已盤算這個鴻圖大計，奈何拍劇繁忙令計劃一再擱置，直至早前他打波整親腳被迫停工，反而火速圓夢！由揀舖位、師資以至課程大綱都一腳踢，作為創辦人及校長的他斥資六位數開設「STEPSTAGE」藝術學校，親眼睇住寶貝仔出世的過程令他興奮莫名。
落堂都唔捨得走
有別於一般補習社，Matthew的學校希望透過音樂、舞蹈及演藝等課程讓小朋友邊玩邊學，發掘他們的藝術潛能，直言喜歡小朋友的他於拍攝當日，跟兩名學員Rachelle及Charlotte玩得不亦樂乎，曾經試過有名細路捨不得落堂而把門關上！他希望一年內可以回本，並有意在其他區開分校。娛圈有不少星爸星媽，他已贊助好友徐淑敏的囡囡，笑言若其他朋友仔女想來上堂都無任歡迎！
文：專案組
服裝：PUMA（高鈞賢）、www.kidulthood.hk（Rachelle及Charlotte）
場地：STEPSTAGE