黃宇詩姊弟戀接受唔到

藝人黃宇詩與黃嘉威在音樂劇《大家樂》中飾演一對夫妻，二人表示今次是重演關係，故默契方面更勝從前，黃宇詩說：「雖然我大過佢，但佢反應好快又貪玩，我個人比較慢熱，成日要諗定啲嘢接招，最擔心佢會爆肚，依家已經適應到。」

孖黃嘉威「情侶檔」

劇中黃宇詩要演繹惡妻，她在台上表現得淋漓盡致，卻不擔心被誤解，她說：「依家觀眾識得分嘅，可能我平時做主持表現得好溫文，太深入民心，但做演員要多方面嘅。」現實中黃宇詩年紀比黃嘉威年長，她表示希望與對方成為舞台上的情侶檔，問到現實會否接受男友比她年輕，她說：「最好唔好嘞，唔worko架！」

由於黃嘉威角色以黃宇詩已故父親黃霑為藍本，黃宇詩表示他與父親的性格相當似，問到會否背着黃霑女兒身份演出有壓力，她說：「依家唔會有嘞，我明白做藝人要做好自己，最重要同自己交代。以前媽咪好少讚我，但佢睇過我嘅演出都有開聲讚，我真係好開心。」

冇刻意模仿霑叔

黃嘉威則透露不會刻意模仿霑叔，只會透過銀幕上對霑叔的認識而自我演繹，他說：「睇番霑叔啲作品，發現好多經典嘅歌曲，橫跨好多代都咁流行落去。佢係一個殿堂級人物，有機會參與感到好榮幸。」

文：影視組