林德信輕鬆爭新人獎
林子祥兒子林德信（Alex）外形斯文靚仔，說話又陰聲細氣，惟他自爆亦有躁底一面，他直言發脾氣時說話超大聲，而與他熟悉的朋友亦曾領教過他「躁爆」一面。
對於緋聞舊愛吳雨霏與網球王子洪立熙成功翻撻，Alex被問到是否有甩難感覺？他笑稱：「唔知呀，冇特別留意新聞點寫，我同佢係好朋友，經常一齊玩。（怕狗仔隊？）都驚o架，不過我見到佢哋都會好Nice咁揮手！（有冇心儀對象？）唔知呢，做好工作先啦。」
另外，快將推出處男EP的Alex，問到對角逐新人獎項是否信心爆棚？他說：「唔會睇得太重，亦唔會太緊張同擔心，我仲有好多嘢學緊。」
場地：Carabet theatre@Fringe Club